Kalabaza

Bitxikeriak

Konfiterako kalabaza neguko barietate bat da, eta hortik ateratzen da aingeru-ilea.

Betegarri gisa erabiltzen da gozogintzako produktuetan. Hori lortzeko, kalabaza horren mamiaz gain azukrea eta limoi edo kanela azala ere erabiltzen dira.

Nola prestatu

Udako kalabazak prestatu aurretik, lehortu egin behar dira pixka bat; izan ere, ur asko dutenez, horiekin prestatuko den platera aguantatu dezakete.

Neguko kalabaza bat erabili behar bada, ez dago haragia lehortu beharrik. Hala ere, azala kendu behar zaio, lodiegia baitago kozinatzeko. Kalabazaren mamia gordinik jan daiteke, hainbat entsalada eta ogitartekotan sartuta, edo egosita, frijituta, sueztituta edo gainerreta. Arrozez edo barazkiz, itsaskiz eta abarrez egindako kremaz beteak ere presta daitezke.

Udakoak dira gordinik gehien jaten direnak, eta neguko barietateek, berriz, ezaugarri hobeak dituzte kozinatzeko. Gozogintzan gailetak, pastelak, flanak, marmeladak eta, batez ere, aingeru-ilea egiteko erabiltzen da.

Gainera, kalabazaren mamia zenbait gisatu eta eltzekariren lagungarri gisa erabil daiteke, leundu eta kolorea ematen dielako.