Piperrak

Bitxikeriak

Piper gozoaren haragi lehor ehoarekin piperrautsa egiten da. A probitamina asko duen espeziea da, eta maiz erabiltzen da sukaldeko koloratzaile gisa, kolore gorri erakargarria ematen dielako hainbat errezetari, hala nola saltsak, arrozak, barazkiak, itsaskien platerak, etab.

Nola prestatu

Piperrak gordinik zein kozinatuta jan daitezke. Oro har, barietate luzangak eta finak egokiagoak dira frijitzeko; mamitsuenak, berriz, erretzeko edo betetzeko erabiltzen dira. Horiek prestatzeko modurik osasungarriena labean erretzea da. Frijitukiak, xurgatzen duten olio-kopuru handiagatik, digestio astun samarrak gertatzen dira. Erre ondoren, saltsak, pistoak, pureak egiteko edo haragien, arrainen eta arrautzen lagungarri gisa erabil daitezke.

Piper gordinak eta samurrak jateko modu ona entsaladei eranstea da. Horrela, ahalik eta gehien aprobetxatzen da bere bitamina-aberastasuna.

Zati finetan moztea eta ondo murtxikatzea komeni da, digestioa errazteko.

Urdail delikatua dutenentzat, piperraren azala desegokia izan daiteke, eta, beraz, kentzea komeni da. Horretarako, piperrak erre behar dira, eta, azala bereizten hasten denean, ur hotzetan sartu. Piperraren haziek eta hauen mintzek zapore mikatza izan dezakete, beraz, hauek ere kentzea komeni da.

Piperrak saltsa minak prestatzeko erabiltzen dira, currya edo tabaskoa, adibidez.

Piper berdeak erabiltzeko modu bitxi bat marmelada bat egitea da, eta oso egokia da tartak prestatzeko edo gaztak bezalako elikagaiekin laguntzeko.