Isatsa

Bitxikeriak

Antzinako medikuntzaren arabera, errefauek ezaugarri lasaigarriak zituzten eta loa errazten zuten. Horregatik, sarritan erabiltzen ziren lasaigarri gisa. Pozoien aurkako antidoto gisa ere erabiltzen ziren, eta, beraz, zenbait kulturatan, janari bakoitzaren aurretik, intxaurrekin, apioarekin eta limoiarekin nahastuta irensten zituzten.

Nola prestatu

Errefauak zapore atsegina du, ukitu min txiki batekin. Zapore leunagoak nahi izanez gero, oso erraza da. Nahikoa da errefauak zuritzea. Hala, azalaren azpian dagoen olio esentziala kentzen da, eta olio horri zor zaio zaporea.

Errefau txiki eta luzangak dira leunenak, gorri eta zuri kolorekoak.

Oro har, errefauak gordinik jaten dira, saltsekin edo aperitibo gisa, eta olioarekin, gatzarekin eta piperbeltzarekin onduta.

Sueztituta jan daitezke, edo zapore biziko saltsak egiteko osagai gisa, haragien lagungarri gisa.

Entsaladak prestatzeko, oso ohikoa da errefauak erabiltzea, zenbait barazki erabiliz. Horrela, oso zapore eta usain bereziak ematen dituzte.

Errefauetako hostoak ere jan daitezke espinaken antzera kozinatuta, edo infusioak egiteko erabili.